Türkmenistanyň futzal boýunça milli ýygyndysy dünýäniň iň güýçli 70 ýygyndysynyň arasyndaky ýerini saklap galýar. Ýakynda täzelenen bütindünýä reýting-sanawynda milli ýygyndymyz 69-njy orunda görkezildi.
2021-nji ýylyň 23-nji martyndan 3-nji apreli aralygynda Kuweýtde geçiriljek Aziýa çempionatyna gatnaşmaga taýýarlyk görýän milli ýygyndymyz sanawyň aziýaly toparlarynyň arasynda 15-nji orny eýeleýär.
Ýeri gelende aýtsak, bütindünýä sanawynyň ilkinji bäş ornunda Ispaniýanyň, Braziliýanyň, Argentinanyň, Russiýanyň we Portugaliýanyň ýygyndylary bar. Aziýadan iň güýçli ýygyndy hökmünde görkezilýän Eýran umumy sanawyň altynjy basgançagynda.
Geljek ýyl geçiriljek yklym çempionatynda türkmen futzalçylary Wýetnamyň, Täjigistanyň we Omanyň ýygyndylary bilen «A» toparçada ýaryşar.
Telekeçilik bilen meşgullanmak isleýän ýaşlaryň we telekeçileriň söýgüli sahypasy-Telekeçilik Sahypasy!
