Türkmen Bitaraplygy – abadançylygyň kepili

Hal­ka­ra pa­ra­hat­çy­lyk we yna­nyş­mak ýy­ly­nyň ta­ry­hy wa­ka­la­ry buý­san­jy­my­zy go­şa­lan­dyr­ýar. Gah­ry­man Ar­ka­da­gy­my­zyň, Ar­ka­dag­ly Gah­ry­man Ser­da­ry­my­zyň ta­gal­la­la­ry ne­ti­je­sin­de ýur­du­my­zyň äh­li ul­gam­la­ryn­da uly üs­tün­lik­ler ga­za­nyl­dy. Ýur­du­myz­da asu­da­ly­gyň, aba­dan­çy­ly­gyň hö­küm sür­me­gi, hal­ka­ra we se­bit äh­mi­ýet­li ama­la aşy­ryl­ýan tas­la­ma­lar, öňe sü­rül­ýän baş­lan­gyç­lar Ga­raş­syz, he­mi­şe­lik Bi­ta­rap Türk­me­nis­tan Wa­ta­ny­my­zyň at-ab­ra­ýy­ny dün­ýä ýaý­dy.

Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de ýur­du­myz­da yk­dy­sa­dy­ýe­tiň di­wer­si­fi­ka­si­ýa­laş­dy­ryl­ma­gy­na gö­nük­di­ri­len öz­gert­me­ler ama­la aşy­ryl­ýar. Hor­mat­ly Pre­zi­den­ti­mi­ziň taý­syz ta­gal­la­la­ry ne­ti­je­sin­de ba­zar yk­dy­sa­dy­ýe­ti yzy­gi­der­li kä­mil­leş­di­ril­ýär. Türk­me­nis­ta­nyň saý­lap alan ug­ry je­mi içer­ki önü­miň ösüş dep­gi­ni­ni, se­na­gat önüm­le­ri­niň ön­dü­ri­li­şi­niň möç­be­ri­ni, da­şa­ry söw­da do­la­ny­şy­gy­ny ýo­ka­ry de­re­je­de sak­la­ma­ga, ýo­ka­ry hil­li ha­ryt­lar we hyz­mat­lar bi­len dur­nuk­ly üp­jün et­mä­ge, dur­muş ul­ga­my­na gö­nük­di­ril­ýän ma­ýa go­ýum­la­ry­nyň möç­ber­le­ri­ni art­dyr­ma­ga müm­kin­çi­lik ber­ýär.

Türkmenistanyň hemişelik Bitaraplyk hukuk ýag­da­ýy ähli döwletler bilen syýasy, ykdysady we medeni-ynsanperwer ugurlarda gatnaşyklary ösdürmäge mümkinçilikleri döredýär. Ýurdumyzyň daşary söwda gatnaşyklary artyp, oňyn ykdysady hyzmatdaş­lyk yzygiderli berki­dil­ýär. He­mi­şe­lik Bitaraplyk hu­kuk de­re­jä­miz Milli Liderimiz tarapyndan başy başlanyp, Ar­ka­dag­ly Gah­ry­man Ser­da­ry­myz ta­ra­pyn­dan ama­la aşy­ryl­ýan möhüm özgertmeleri durmuşa geçirmek­de, ikitaraplaýyn we köptaraplaýyn esasda, ilkinji nobatda, abraýly halkara guramalaryň çäklerinde netijeli ykdysady gatnaşyklary giňeltmek­de ygtybarly esas bolup durýar.

BMG-niň Baş Assambleýasy ta­ra­pyn­dan «Türkmenistanyň hemişelik Bitaraplygy» at­ly Ka­rar­na­ma üç ge­zek yk­rar edil­di. Türkmenistanyň Bitaraplygy Birleşen Milletler Guramasyna agza döwletler tarapyndan, 1995-nji ýylyň 12-nji dekabrynda Birleşen Milletler Guramasynyň 50-nji mejlisinde, 2015-nji ýylyň 3-nji iýunynda Birleşen Milletler Guramasynyň Baş Assambleýasynyň 69-njy mejlisinde, 2025-nji ýylyň 21-nji martynda Birleşen Milletler Guramasynyň Baş Assambleýasynyň 79-njy sessiýasynyň 61-nji plenar mejlisinde ýörite Kararnamalar esasynda üç gezek ykrar edildi. Biziň hemişelik Bitaraplygymyz islendik meseläni gepleşikler arkaly çözmegiň mümkindigini öňe sürýän, ýagny milli aýratynlygymyzyň ajaýyp taraplaryny düzýän häsiýetlerden ugur alýar. Türkmenistan dünýäde parahatçylygyň mekany hökmünde tanalýar, durnukly ösýändigi, abadançylygy berkarar edýändigi bilen tapawutlanýar. Geografiki taýdan örän amatly ýerleşmegi Diýarymyzy Gündogar bilen Günbatary birleşdirýän döwlete öwürdi. Türkmenistan Ýewropa bilen Aziýanyň strategik ýollarynyň çatrygynda ýerleşip, bu iki yklymy birleşdirýän özboluşly köprüdir.

Türkmenistanyň Halk Maslahatynyň Başlygy Gurbanguly Berdimuhamedowyň «Türkmenistan — Bitaraplygyň mekany» atly kitabynda bellenilişi ýaly, onda türkmen Bitaraplygynyň milli kökleri, taryhy ähmiýeti, döwletimiziň bu halkara-hukuk derejesiniň häzirki zamanyň derwaýys meseleleriniň aýdyňlaşdyrylmagyndaky, netijeli çözülmegindäki orny düýpli açylyp görkezilýär, ýurtlary birleşdirýän ählumumy wezipeleri mundan beýläk hem durmuşa geçirmegiň mümkinçilikleri töwerekleýin seljerilýär.

Berkarar döwletiň täze eýýamynyň Galkynyşy döwründe hormatly Prezidentimiziň tagallalary netijesinde, asmanymyzyň asuda, ýurdumyzyň abadan bolmagyny dilleriniň senasyna öwren pederlerimiziň eden arzuw-umytlary hasyl bolýar. Däp-dessurlaryny gadymyýetiň jümmüşinden alyp gaýdýan ata-babalarymyz parahat durmuşda ýaşap, ähli eşretlere ýetip bolýandygyna berk ynanypdyr. Şol ynamdan goňşy arasyndaky gatnaşyklarda hoşniýetli häsiýetlerimiz döräpdir. Dünýäniň dört künjünde döwlet gurmagy başaran pederlerimiz hut şu häsiýet bilen tanalypdyr.

Hormatly Prezidentimiziň baştutanlygynda türkmen döwletiniň daşary syýasatdaky ugry tutuş adamzat tarapyndan uly goldawa eýe bolýar. Parahatçylygyň, ylalaşygyň we halklaryň arasyndaky dostlugyň hakyky merkezine öwrülen Aşgabatda Birleşen Milletler Guramasy we beýleki ençeme abraýly halkara guramalar bilen bilelikde uly forumlaryň, maslahatlaryň, duşuşyklaryň geçirilmegi munuň aýdyň subutnamasydyr.

Bizi ösüşlerden ösüşlere alyp barýan hormatly Prezidentimiziň jany sag, ömri uzak, il-ýurt bähbitli işleri hemişe rowaç bolsun!

Merjen Allamyradowa,

Magtymguly adyndaky Türkmen döwlet uniwersitetiniň mugallymy.