Ýanwar-awgust aýlarynda Türkiýä 7 million 255 müň 107 syýahatçy geldi. Syýahatçylaryň gelýän ýurtlarynyň arasynda Germaniýa 789 müň 602 adam bilen birinji ýeri eýeledi. Koronawirus pandemiýasynyň kadalaşmagy netijesinde, halkara uçuşlaryň açylan dessine iýun aýynyň ortalaryndan başlap, Türkiýäniň meşhur syýahatçylyk ýerlerine jahankeşdeler gelip başlady. Medeniýet we syýahatçylyk ministrliginden we serhetden giriş we çykyş statistikasyndan alnan maglumatlara görä, Türkiýä şu ýyl 7 million 255 müň 107 daşary ýurtly myhman geldi. Bu bolsa geçen ýylyň 8 aýy bilen deňeşdireniňde 76,6 göterim azdyr. Ýanwar-awgust aýlary aralygynda daşary ýurtda ýaşaýan 2 million 16 müň 553 türk raýaty Watanyna dolandy. Netijede, şu ýylyň 8 aýynda jemi 9 million 271 müň 660 adam Türkiýä geldi.
Syýahatçylaryň köpüsi awgust aýynda geldi
Ýylyň 8 aýynda iň köp myhman 789 müň 602 adam bilen Germaniýadan geldi, Russiýa Federasiýasy 772 müň 686 adam bilen ikinji, Bolgariýa 532 müň 417 adam bilen üçünji boldy. Bu ýurtlardan soň, 520 müň 833 adam bilen Ukraina, 465 müň 180 adam bilen Angliýa sanawyň dowamyny dowam edýär. Syýahatçylaryň iýun aýynda 214 müň 768-i, iýul aýynda 932 müň 927-si, awgust aýynda 1 million 814 müň 701-i geldi.
Nemes we rus syýahatçylarynyň köpüsi Antalýanyň kenarynda galmagy, iňlis syýahatçylarynyň aglabasy hem Bodrum, Marmaris we Aýdynyň Kuşadasy kenarlarynda galmagy saýladylar.
Awgust aýynda Türkiýede daşary ýurtly myhmanlaryň köpüsi, iň köp gelen welaýatlary Antalýa, Stambul we Mugla diýip hasap edildi.
Interaktiw sahypamyz- okyjylarymyzdan gelen habar we eserleriň ýerleşdirilýän sahypasy-sizden gelenler sahypasy siziň iberjek eserleriňize garaşýar!
