Türkiýäniň “Beşiktaş” toparynyň futbolçysy Umut Naýir doglan gününde geljek sowgatlaryna derek, düwnük keseli bilen kesellän çagalara haýyr-sahawat işini ýerine ýetirmek isleýär. 28-nji iýunda 27 ýaşyny doldurýan türgeniň edýän bu ähmiýetli işi hemmeler tarapyndan uly goldawa mynasyp boldy. Umut Naýir ýerine ýetirjek işi barada jemgyýetçilik torunda şeýle diýýär.
- Bu ýylda men hiçkimden hiç bir sowgat ýa-da gutlag islämok. Emma biziň hemmämiz saglygyň ählimiz üçin zerurdygyny düşünýändigimizi göz öňüne tutup, bir haýyrly işi ýerine ýetirmegi isleýärin. «Gowlyk paýlaş» atly jemgyýetçilik haýyr-sahawat guramasynda ýörite «düwnük keselsiz ýaşamak» atly bir gurnak açdym. Çünki meniň esasy maksadym düwnük keseli bilen kesellän hassa çagalara howandar bolmakdan ybaratdyr — diýip, aýdýar.
Umut Naýiriň mundan başga-da Juan Matanyň başlangyjy esasynda mätäç adamlara ýardam etmek maksady bilen açylan «Common Goal» gurnagyna aýlygynyň 1%-ni geçirýändigini hem aýratyn bellemegimiz gerek.