Transplantasiýa degişli bolan adamyň beden agzalarynyň we (ýa-da) dokumalaryň sanawy tassyklandy. Türkmenistanyň Adalat ministrliginiň resmi web saýtynda neşir edilen Türkmenistanyň Saglygy goraýyş we derman senagaty ministriniň 2023-nji ýylyň 25-nji iýulynda çykaran 359 belgili buýrugy bilen tassyklanan Sanawda haýsy agzalaryň we (ýa-da) dokumalaryň Transplantasiýa degişlidigi bellenilýär.
«Adamyň beden agzalarynyň we (ýa-da) dokumalarynyň transplantasiýasy hakynda» Türkmenistanyň Kanunyna görä, adamyň beden agzalarynyň we (ýa-da) dokumalarynyň transplantasiýasy (oturdylmagy) – hirurgiýa operasiýasy arkaly resipiýentiň ýok bolan ýa-da adamyň ýaşaýşa ukyplylygyny üpjün edip bilmeýän, zeper ýeten beden agzalarynyň we (ýa-da) dokumalarynyň diri donoryň ýa-da merhum donoryň beden agzalary we (ýa-da) dokumalary bilen çalşylmagyna düşünilýär.
Transplantasiýa degişli bolan adamyň beden agzalarynyň we (ýa-da)
dokumalaryň sanawy
1. Böwrek
2. Bagyr we onuň bölekleri
3. Ýürek
4. Ýürek-öýkeniň toplumy
5. Kelle çanagynyň süňkleri
6. Aşgazanasty mäziň özi ýa-da bedeniň beýleki agzalarynyň toplumy bilen
7. Süňküň bölekleriniň kortikal gaty bilen
8. Kelle beýniniň gaty gabygy
9. Amniotiki perdesi
10. Hrýaşly manyz
11. Içegäniň bölekleri
12. Ham (deri)
13. Göz bäbenegi (gözüň buýnuzly perdesi, sklerasy, nemli bardasy)
14. Traheýa