ABŞ-nyň Prezidenti Donald Tramp “Truth Social” platformasyndaky habarynda Gazagystanyň we Özbegistanyň Prezidentleri Kasym-Žomart Tokaýew hem-de Şawkat Mirziýoýew bilen telefon arkaly söhbetdeşligi geçirendigini mälim etdi.
Trampyň bellemegine görä, gepleşikleriň dowamynda dowam edýän gapma-garşylyklarda parahatçylygy gazanmak meseleleri, şeýle hem ýurtlaryň arasyndaky söwda we ikitaraplaýyn hyzmatdaşlygy giňeltmek barada pikir alyşyldy. ABŞ-nyň Prezidenti iki döwlet bilen hem «örän gowy» gatnaşyklarynyň bardygyny nygtady.
Mundan başga-da, Tramp Amerikanyň Birleşen Ştatlarynyň geljek ýyl Maýami şäherinde G20 sammitini kabul etjekdigini belläp, bu möhüm çärä myhman hökmünde iki lideri hem çagyrjakdyklaryny aýtdy.