Owganystanyň Kabul şäherinde magdan we nebit ministriniň wezipesini ýerine ýetiriji Hidaýatulla Badri bilen “TAPI Pipeline Company Limited” kompaniýasynyň baş müdiri Muhammetmyrat Amanow bilen duşuşdy. Bu barada owgan metbugaty habar berdi.
Duşuşykda Türkmenistan-Owganystan-Pakistan-Hindistan (TOPH) gaz geçirijisi boýunça soňky gazanylan üstünlikler, şeýle hem taslamanyň işleri çaltlandyrmak babatda pikir alyşdylar.
Owgan halky üçin täze iş ýerleriniň döredilmegine, şeýle hem taslama gatnaşýan owgan inženerleriniň hünärlerini ýokarlandyrmaga aýratyn üns berildi.
Geçen ýylyň dekabrynda Türkmenistan wekiliýeti Owganystanyň çäklerinde Serhetabat-Hyrat bölegindäki gurluşyk işleri bilen tanyşdylar.
“Arkadagyň ak ýoly” atly Türkmenistan-Owganystan-Pakistan-Hindistan (TOPH) gaz geçirijisiniň gurluşygyny dowam etdirmek 2025-nji ýylda Türkmenistanyň nebitgaz toplumynyň iş meýilnamalarynda orun aldy. Bu hem Türkmenistanyň bu möhüm taslama uly ähmiýet berip, mundan beýläk-de ony durmuşa geçirmäge tagalla edýändigini görkezýär.