Ýaponiýanyň Hökümeti öňümizdäki tomusda Tokio şäherinde geçiriljek Olimpiýa we Paralimpiýa oýunlaryna geljek daşary ýurtly wekiliýetleriň agzalarynyň sanyny bellenileninden iki essä çenli azaltmagy meýilleşdirilýär.
Şeýlelikde, Tokio şäherine barjak daşary ýurtly adamlaryň sany türgenler bilen bile hasaplanylanda, 78 müňden geçmez. Bu barada «Kyodo» agentligi habar berdi.
Geçen ýyl Oýunlaryň wagtyny özgertmek bilen bagly karar kabul edilende, daşary ýurt wekilleriniň sany 180 müň adam hökmünde görkezilýärdi. Ýöne habarlar agentligi Hökümetiň munça adamy kabul etmekçi däldigine ünsi çekýär.
Elbetde, bu çäreler koronowirus pandemiýasynyň öňüni almak maksady bilen geçirilýär. Bu çäklendirme Oýunlaryň açylyş dabarasyna gatnaşmaga geljek döwlet ýolbaşçylary babatynda hem ýörediler. Has takygy, daşary ýurt Prezidentleriniň wekiliýeti 12, premýer-ministrleriniň wekiliýeti bolsa 5 adamdan geçmez.
Şeýle hem ýapon Hökümeti daşary ýurt wekillerinden ýurtda mümkin boldugyndan az möhletde galmagyny, jemgyýetçilik ulaglaryndan peýdalanmazlygyny haýyş edýär.
Frazeologizmler/phrasal verbs ýa-da Durnukly söz düzümleri