Türkmenistanda soňky döwürde internet neşirleriň sany yzygiderli artýar we täze-täze internet neşirler Türkmenistanyň habarlar ulgamyny baýlaşdyrýar.
2020-nji ýylyň 7-nji oktýabrynda USSAT NEWS (www.ussatnews.com) elektron gazeti öz işine başlady. Täze elektron neşir ýurdumyzyň ykdysady we durmuş ulgamlarynyň ösüşi, dürli pudaklarda giň gerimli milli maksatnamalaryň we iri maýa goýum taslamalarynyň amala aşyrylyşy, şeýle hem Türkmenistanyň taryhy-medeni we tebigy ýerleri, türkmen halkynyň baý medeniýeti we özboluşly däp-dessurlary barada gürrüň berýän makalalary, medeniýet we sungat işgärleri, sport ussatlary, žurnalistler, ykdysadyýetiň dürli pudaklarynda üstünlik gazanan telekeçiler we döwlet düzümleriniň wekilleri bilen söhbetdeşlikleri, türkmen metbugatynyň sahypalaryndan makalalary, peýdaly maslahatlary, özüne çekiji suratlary hem-de wideo materiallary çap etmegi maksat edinýär.
Neşiriň ilkinji habarlarynyň arasynda Türkmenistanyň Gahrymany, Türkmenistanyň halk ýazyjysy, Magtymguly adyndaky Halkara baýragynyň eýesi, ussat şahyr Gözel Şagulyýewanyň USSAT NEWS elektron gazetiniň işine ak pata berendigi baradaky habar we Türkmenistanyň halk artisti Gülşat Gurdowa bilen gurnalan söhbetdeşlik aýratyn ünsi çekýär.
“Atavatan Türkmenistan” halkara žurnalynyň www.atavatan-turkmenistan.com saýty öz işine başlan USSAT NEWS (www.ussatnews.com ) elektron gazetine uly üstünlikler arzuw edýär we täze neşir bilen Ata Watanymyz baradaky habarlary dünýä halk köpçüligine ýetirmekde hyzmatdaşlyk etjekdigimize berk ynanýarys!
Kyrk gyz gowagy: Ajaýyp wideo şekiller Size garaşýar
