“Volkswagen” Hytaýyň Hefei şäherinde “Audi” -iň elektron öz-özüni dolandyrýan modeliniň aýratynlyklaryny synagdan geçirer. Synaglar indiki aýda başlar.
Soňky döwürlerde kompaniýanyň Hytaý bilen hyzmatdaşlygy artýar. Doly elektrikli hem-de öz-özüni dolandyrýan awtoulag tehnologiýalaryny ösdürýän kompaniýalaryň biri bolan nemes awtoulag öndürijisi “Volkswagen” geçen ýylyň maý aýynda Hytaýyň elektrik ulagy öndürijisi JAC-yň 50 göterim paýyny 1,18 milliard dollara satyn aldy. Mundan başga-da kompaniýanyň Hytaýda “FAW Group” we “SAIC” kompaniýalary bilen hyzmatdaşlygy bar. Şeýle-de “Volkswagen” geçen aý ABŞ-da ýerleşýän “Argo AI” atly awtonom ulag başlangyjyna 2,6 milliard dollar maýa goýdy.