Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredowyň çakylygy boýunça Täjigistan Respublikasynyň daşary işler ministri Sirojiddin Muhriddin 15-16-njy iýulda Türkmenistanda resmi saparda bolar. Bu barada Täjigistanyň daşary syýasat edarasynyň resmi saýtynda bellenilip geçilýär.
Täjigistan Respublikasynyň daşary işler ministri Sirojiddin Muhriddiniň Aşgabada amala aşyrjak saparynyň çäklerinde Türkmenistanyň Prezidenti hem-de daşary işler ministri Raşid Meredow bilen duşuşyklary göz öňünde tutulýar.
Saparyň çäklerinde geçiriljek gepleşikler 2023-nji ýylyň maýynda Türkmenistanyň Prezidentiniň Täjigistana amala aşyran döwlet saparynyň barşynda ýokary derejedäki gepleşikleriň jemleri boýunça kabul edilen ylalaşyklaryň durmuşa geçirilişi ara alnyp maslahatlaşylar.