“Super Liganyň” 2020-2021-nji ýyllaryň dowamynda geçiriljek täze möwsümi sentýabr aýynyň 11-ine başlar. Bu sene Türkiýäniň Futbol Federasiýasy bilen klublaryň arasynda geçirilen mejlisde karara gelindi. Karara laýyklykda, täze möwsümiň oýunlary şu ýylyň sentýabr aýynyň 11-ine başlap, 2021-nji ýylyň maý aýynyň 16-syna tamamlanar.
“Super Liganyň” 2020-2021-nji ýyllaryň dowamynda geçiriljek täze möwsümiň transfer we hasaba alyş işi awgust aýynyň 4-ine başlap, oktýabr aýynyň 5-ine tamamlanar. Täze möwsümiň ikinji transfer we hasaba alyş işiniň senesi heniz mälim edilmedi.