Şri-Lanka döwleti dünýäniň islendik künjeginden syýahatçylary kabul edip başlar diýip, metbugat gulluklary habar berýär. Ýerli häkimiýetler syýahatçylaryň we ýerli ýaşaýjylaryň howpsuzlygy üpjün etmek üçin ähli şertleri göz öňüne tutupdylar.
Syýahatçylar bu ýurda gelenlerinden soňra 14 gün ýörite syýahatçylar üçin niýetlenen myhmanhanada galmaly bolarlar. Syýahatçylary ýerleşdirmek üçin 14 sany syýahatçylyk zolagynda takmynan180 sany myhmanhana ulanmaga berilipdir.
“Associated Press” agentliginiň maglumat bermegine görä, syýahatçylar öz ýurtlaryndan uçmazdan 72 sagat öň koronawirus keseline garşy barlagdan geçmelidir, soňra bolsa Şri-Lanka döwletine gelenlerinden soňra ýedinji güni gaýtadan bu barlagdan geçmelidirler.
Şri-Lanka döwleti 2020-nji ýylyň mart aýyndan başlap, ilkinji gezek myhmanlary kabul edip başlady.
Gündelik durmuşa degişli habarlary biz Durmuş sahypamyza ýerleşdirýäris.
