Angliýanyň Kubogy ugrundaky ýaryş
Angliýanyñ “Liwerpul” futbol topary “ Premýer ligada” örän gowy netijede çykyş edip gelýär, ýöne soñky oýunlarda utuk sanyny ýitirip başlady. Angliýanyñ FA kubogynyñ 1/8 final tapgyrynda hem “Liwerpul” “Çelsi” toparyndan ýeñlişe sezewar boldy. Bu duşuşykda “Çelsi” topary 2:0 hasaby bilen ýeñiş gazandy. “Çelsiniñ” düzüminde ýarymgoragçylar Willian 13-nji minutda, Rose Barkli 64-nji minutda tapawutlanmagy başardylar.
Germaniýanyň Kubogy ugrundaky ýaryş
Germaniýanyñ kubogyny gazanmak boýunça 1/4 final tapgyrynda “Bawariýa” futbol topary “Şalke” futbol topary bilen duşuşdy. Duşuşykda “Bawariýa” topary 0:1 hasaby bilen üstün çykdy. Oýnuñ 40-njy minutynda Joşua Kimmih gol geçirdi. Şeýlelikde, “Bawariýa” ýarym final tapgyryna çykmaga hukuk gazandy.
Şeýle hem “Bawariýa” bilen bir hatarda Germaniýanyň futbol çempionatynyň 4-nji diwizionyndan çykyş edýän “Saarbrýuken” topary “Fortuna” toparyny ýeňip, ilkinji gezek Germaniýanyň kubogy ugrundaky ýaryşda ýarym finala çykdy.
Türkiýäniň Kubogy ugrundaky ýaryş
“Medikal Park” stadionynda Türkiýäniñ kubogyny eýelemek üçin “Trabzonspor” bilen “Fenerbahçe” toparlary duşuşdylar. Duşuşykda “Trabzonspor” topary 2:1 hasaby bilen “Fenerbahçe” toparyny ýeñmegi başardy. “Trabzonspor” toparynda 46-njy minutda Aleksandr Serlot, 66-njy minutda Filip Nowak tapawutlandy. “Fenerbahçe” toparynyñ düzüminde 82-nji minutda Wedat Muriki jogap topuny geçirmegi başardy.
Transfer täzeligi
Braziliýanyñ “Koritiba” we Angliýanyñ “Mançester Siti” futbol toparlarynyň arasynda transfer amala aşyryldy. 17 ýaşly braziliýaly sag goragçy Ýan Koutu geljekki tomusda “Mançester Siti” toparyna 5 ýyllyk şertnama esasynda düzümine goşular. Günorta amerikaly köpçülikleýin habar beriş serişdeleriniñ maglumatlaryna görä, transferyñ bahasy 6 million ýewro barabardyr. Braziliýaly futbol topary goşmaça ýene 6 million ýewro gazanar. Kout Braziliýa U-17 milli ýygyndysynyñ düzüminde 13 oýun geçirdi. Şeýle hem ol 17 ýaşly Braziliýanyñ milli ýygyndysynda 2019-njy ýylda geçirilen Dünýä çempionatynda ýeñiji bolmak miýesser edipdir.