US Open-2025-niň ýeňijileri belli boldy
Dünýäniň iň iri tennis ýaryşlarynyň biri — ABŞ-nyň açyk çempionaty tamamlandy. Erkekleriň ýekelik bäsleşiginde ýeňiji ispan tennisçisi Karlos Alkaras, zenanlaryň ýekelik bäsleşiginde bolsa belarusly Arina Sobolenko boldy.
Italiýanyň zenanlar woleýbol ýygyndysy dünýä çempiony boldy
Tailandda zenanlaryň arasynda woleýbol boýunça dünýä çempionaty geçirildi. Bu ýaryşa dünýäniň iň güýçli 32 topary gatnaşdy. Finalda Italiýanyň ýygyndysy Türkiýä garşy 3:2 hasap bilen ýeňiş gazandy. Bürünç medallary Braziliýanyň ýygyndysy aldy, olar Ýaponiýany ýeňdiler.
FIFA-nyň Prezidenti Janni İnfantino Özbegistana bardy
FIFA-nyň Prezidenti Janni İnfantino Daşkende sapara baryp, saparynyň çäklerinde ýurduň sporty ösdürmek ugrunda durmuşa geçirilýän iň täze iri taslamalar bilen tanyşdy. Infantino Olimpiýa şäherçesine baryp, döwrebap sport desgalaryny synlady.
İnfantino bu sport desgalaryny sport ministri Adham Ikramow we Milli Olimpiýa Komitetiniň başlygynyň birinji orunbasary Otabek Umarow bilelikde synlady.
FIFA-nyň Prezidenti “CAFA Nations Cup” ýaryşynyň final duşuşygynyň myhmany bolar. Şu gün geçiriljek finalda Özbegistan Eýrany kabul eder.