Ýewropanyñ futbol çempionatlaryñ öñde baryjy toparlarynyñ geçen tapgyrda tamamlanan netijeleri bilen sizi tanyşdyrýarys.
Angliýanyñ “Premýer ligasynda” Old Trafford stadionynda “Mançester Ýunaýted” bilen “Mançester Siti” toparyny kabul etdi. Duşuşygyñ birinji ýarymynda 30-njy minutda Bruno Fernandeşiñ ýardam bermeginde hüjümçi Martial hasaby açmagy başardy. Ikinji ýarymyñ goşmaça wagtynda 90+6-njy minutda ätiýaçlykdan oýna giren Skot Maktomineý hasaby 2-0 çykaryp öz toparyna ynamly ýeñiş gazandyrdy. Lider “Liwerpul” öz meýdançasynda “Bornmut” toparyny 2-1 hasaby bilen ýeñip, öz çempionlygyna tarap ynamly dowam edýär.
Germaniýanyň çempionatyndan:
Germaniýanyñ “Bundesliga” çempionatynda “Bawariýa” topary “Ausburg” toparyny kabul etdi. Oýnuñ dowamynda mýünhenler 53-nji minutda T.Müller, goşmaça 90+1-nji minutda L.Goretzka tapawutlandylar we 2:0 hasaby bilen ýeñiş gazandylar.
“Borussia Dortmund topary” myhmançylykda “Borussia Mýünhengladbah” topary bilen duşuşygyny geçirdi. Dortmundlylaryñ düzüminde 8-nji minutda T.Hazard; 71-nji minutda Hakimi tapawutlandylar. “Mýunhengladbah” topary 50-nji minutda L.Stindl jogap topyny geçirmegi başardy. Hasap 1-2 aralygy bilen “Dortmund” ýeñiş gazandy.
Ispaniýanyñ çempionatyndan:
“Barselona”-“Real Sociedad” 1:0 hasaby bilen tamamlandy. Ýeke-täk goly 81-nji minutda Lionel Messi geçirdi. “Betis”-“Real Madrid” toparynyň duşuşygy 2-1 hasaby bilen tamamlandy. “Betisiñ” düzüminde 40-njy minutda Sidneý, 82-nji minutda C.Tello gol geçirdiler. “Real Madrid” toparynyñ jogap topyny goşmaça 45+3-nji minutda Karim Benzema geçirdi.
Italiýanyñ çempionatyndan:
“Ýuwentus”-“Inter”-2:0 hasaby bilen tamamlandy. Turinleriñ düzüminde 54-nji minutda A.Ramsey, 67-nji minutda P.Dybala tapawutlanyp, toparyna wajyp ýeñişini gazandyrdylar.