Moskwanyň “Spartak”topary finalyň super duşuşygynda “Krasnodar” toparyny ýeňip, futbol boýunça Russiýanyň Kubogynyň eýesi boldy.
Esasy wagt 1:1 hasabynda tamamlandy, penaltiler seriýasynda bolsa “Spartak” has üstün çykdy (4:3).
Oýun Moskwanyň “Lužniki” stadionynda geçirildi. 36-njy minutda Pablo Solariniň geçiren goly netijesinde “Spartak” öňe saýlandy. 57-nji minutda “Krasnodar” hasaby deňlemegi başardy: goly Duglas Augusto öz adyna ýazdyrdy.
Ikinji ýarymda goşulan wagtda “Spartagyň” baş tälimçisi Huan Karsedo derwezeçini çalyşdy – Aleksandr Maksimenkonyň ýerine meýdança Pomazun girdi. Ol hem 11 metrlik jerime urgularynda toparyna kömek etdi.
“Spartak” – Russiýanyň Kubogynyň bäş gezekki eýesidir, mundan öň bu kubogy 1994, 1998, 2003 we 2022-nji ýyllarda gazanypdy. “Spartak” iki gezek finalda utuldy (1996, 2006).
“Krasnodar” bolsa bu ýaryşda hiç wagt ýeňiş gazanmady we eýýäm üçünji gezek finalda utulýar.