Kabo-Werdeniň futbol boýunça milli ýygyndysynyň derwezeçisi Wozinýanyň Instagramdaky yzarlaýjylarynyň sany Ispaniýanyň topary bilen bolan duşuşykdan 12 sagat geçenden soň 5,5 milliona ýetdi.
Kabo-Werde we Ispaniýa ýygyndylarynyň arasyndaky duşuşyk 0:0 hasabynda tamamlandy. Garaşylmadyk netije bilen tamamlanan duşuşykda derwezeçi Wozinýa derwezä gönükdirilen, belki 100 göterim gol bolup biljek 7 sany urguny yza gaýtarmagy başardy.
Ispaniýanyň we Kabo-Werdeniň milli ýygyndylary “H” toparynda çykyş edýärler. Iki topar hem bir utuk gazandy. Şeýle-de, bu dörtlükde Urugwaýyň we Saud Arabystanynyň ýygyndylary bar, olaryň duşuşygy 1:1 hasabynda tamamlandy.
Ikinji tapgyrda ispanlar 21-nji iýunda Saud Arabystanynyň topary bilen oýnarlar, Kabo-Werdeniň ýygyndysy bolsa urugwaýlylar bilen duşuşar.