JEMGYÝET

Söýgi gülleri

Ýüregme eken gülleň,

Bezär köňül köşgümi.

Oňa bakyp görerin,

Päk söýgimiň keşbini.

 

Gülleň anbar ysyndan,

Ýüreklermiz dem alar.

Söýgüden olar örňäp,

Bize saýasyn salar.

 

Kalbymyz güller bilen,

Döner baky bahara.

Diňe söýüp ýaşarys,

Meňzäp aýdyň sähere.

 

Güýzüň agras şemaly,

Eken gülleriň ýolmaz,

Söýgi güllän kalbymda,

Aýralyk ody ýanmaz.

 

Seniň yssy mähriňden,

Köňlüm nura beslener.

Söýgi gülleri dünýäň,

Gözelligne bäs geler.

 

Kalba baky ýazylýar,

Ömrüň bagtly günleri.

Baglaň güli solsa-da,

Solmaz söýgi gülleri!

 

Aýjemal GAÝLYÝEWA

 

Ýene-de okaň

«Türkmenistanyň Bitaraplygynyň 30 ýyllygyna» atly ýubileý medaly döredildi

Türkmenistanda ýolbaşçy düzümler 1-nji awgustdan başlap dynç alşa çykar

Gallaçylaryň zähmet ýeňşiniň hormatyna

Talyp-2025: dalaşgärler üçin saglyk öýleri

Talyp-2025: Giriş synaglary üçin zerur bolan resminamalar

Ata Watan Eserleri

Türkmenistanda 2025-2026-njy okuw ýyly üçin okuwa kabul ediş möwsümi başlaýar

Ata Watan Eserleri