Türkiýäniň “Beşiktaş” toparynyň tälimçisi Sergen Ýalçyn wezipesinden meýletin çekildi. Toparyň ýolbaşçy düzümi hem tälimçiniň karary düşünmek bilen kabul etdi.
Şeýlelikde, 2020-nji ýylyň 29-njy ýanwarynda bu toparyň tälimçisi wezipesine bellen Sergen Ýalçynyň ýolbaşçylygyndaky topary oňat netijeler görkezdi. Geçen möwsümde Türkiýäniň çempiony bolan “Beşiktaş” topary UEFA-nyň Çempionlar ligasyna gatnaşmaga hukuk gazanypdy.
Ýöne Sergen Ýalçynyň ýolbaşçylygyndaky “Beşiktaş” topary bu möwsümde garaşylan netijäni görkezip bilmedi. Çempionlar ligasynda toparçada geçirilen duşuşyklaryň ählisinde ýeňlen “Beşiktaş” topary “0” utuk bilen Çempionlar ligasyny tamamlady.
Toparyň soňky döwürdäki şowsuz çykyşlaryndan soňra Sergen Ýalçyn wezipesinden meýletin çekilmek kararyna geldi.
Tälimçiniň kararyna hormat goýan toparyň ýolbaşçy düzümi täze tälimçiniň gözlegine çykdy. Toparyň täze tälimçisi üçin Türkiýeden, Germaniýadan, Russiýadan we beýleki ýurtlardan tälimçiler göz öňünde tutulýar.
Russiýanyň milli ýygyndysynyň ozalky tälimçisi Stanislaw Çerçesow hem bu wezipä dalaşgär görkezilen tälimçileriň hatarynda durýar.
Sergen Ýalçyn “Beşiktaş” toparynda futbol hem oýnady. Ol bu toparyň düzüminde 1991/92, 1994/95 we 2002/03 möwsüminde futbolçy hökmünde çempion bolupdy.