Türkmenistanyň Adalat ministrligi Baş prokuraturasynyň, Ýokary kazyýetiniň işgärleriniň we Aşgabat şäher adwokatlar kollegiýasynyň agzasynyň gatnaşmagynda hukuk meseleleri boýunça raýatlaryň jemgyýetçilik kabul edişligini her aýda iki gezek geçirýär.
«Türkmenistan» gazetiniň 2020-nji ýylyň 3-nji sentýabryndaky sanynda çap edilen bildirişde şu aýdaky kabul edilişikleriň seneleri barada habar berildi. Sentýabr aýyndaky jemgyýetçilik kabul edişlikleri 7-nji we 21-nji sentýabr günlerinde geçiriler.
Raýatlar hukuk meseleleri boýunça şol günlerde Türkmenistanyň Adalat ministrliginde sagat 9 — 12 aralygynda kabul ediler. Ministrlik Aşgabat şäheriniň Arçabil şaýolunyň 150-nji jaýynda ýerleşýär. Bildirişde ýüze çykan sowallar boýunça 39-19-20, 39-19-21 belgili telefonlar arkaly habarlaşyp boljakdygy aýdylýar.