Finlýandiýa täze pasport düzgünnamasyny durmuşa geçirmek ugrunda iş alyp barýar. Dünýäde ilkinji bolup, bu ýurtda sanly pasport ulgamyny durmuşa geçirmek babatda synag amala aşyryldy.
Ýurduň ýolbaşçy düzümi sanly syýahat resminamasynyň adaty pasportlar ýaly ygtybarly resminama bolup biljekdigini bellediler.
Täze ulgam hem-de täze düzgünnama esasynda Finlýandiýanyň raýatlary Angliýa amala aşyrýan uçar gatnawlarynda “akylly” telefonlaryndaky sanly şahsyýetnama resminamasyny görkezip, gezelent etmegine mümkinçilik döredildi.
Sanly pasport ulgamy Finlýandiýanyň awiakompaniýasynyň Helsinkiden London, Edinburg we Mançester şäherlerine amala aşyrylan gatnawlarda synagdan geçirildi.
Fewral aýyna çenli dowam etjek synag döwründe bu ulgamdan peýdalanmak isleýänler barmak yzy hem-de ýüzden tanamak üçin bir gezekligine hasaba durmak ýeterli bolup durýar.
Uçar gatnawynyň wagtyndan 4 sagat ozal, Finlýandiýanyň serhet gözegçilik nokadyna “akylly” telefon goşundysy arkaly maglumat ibermek ýeterlik bolar.