Türkmenistanyň Prezidenti tarapyndan geçirilen sanly ulgam arkaly Ministrler Kabinetiniň nobatdaky mejlisinde «Sanly çözgüt – 2022» atly innowasion taslamalaryň bäsleşigi barada hasabat berildi.
“Watan” habarlar gepleşiginde bellenilip geçilişi ýaly, programma üpjünçiligini we innowasion usullary işläp taýýarlaýan ýaşlary höweslendirmek maksady bilen ýurdumyzda 2020-nji ýylda innowasion taslamalaryň bäsleşigine badalga berildi.
Sanly ykdysadyýeti ösdürmek boýunça konsepsiýada 2021-2025-nji ýyllarda sanly ykdysadyýeti ösdürmek boýunça döwlet maksatnamasynda kesgitlenen wezipeleri ýerine ýetirmek, täzeçil programma üpjünçiligini taýýarlamak we olary ornaşdyrmak hem-de beýleki ugurlar bilen meşgullanýan ýaşlary höweslendirmek maksady bilen «Sanly çözgüt – 2022» bäsleşiginiň nobatdaky tapgyryny geçirmek meýilleşdirilýär.
Ony saglygy goraýyş, ylym-bilim, ulag-logistika, elektron senagaty, oba hojalygy, hyzmatlar ulgamy ýaly ugurlarda geçirmek göz öňünde tutulýar.
Türkmenistan-Özbegistan: häzire çenli 246 ylalaşyk gazanyldy