“Samsung” şereketi öňümizdäki ýylda “Samsung Galaxy S22” telefon seriýasyny tanyşdyrmaga taýýarlanýar.
“Samsung” şereketi ýaňy-ýakynda hereketli kamera sensorlaryna eýe bolan täze “Galaxy” telefonlaryny öndürmek üçin patent aldy. Biz bu tehnologiýany ilkinji gezek “Sony Xperia” modellerinde görüpdik. Bu tehnologiýa netijesinde biz düşüren suratlarymyzyň hilini has-da gowulandyryp bilýäris.
Hereketli kameranyň has kämilleşen görnüşiniň “Samsung Galaxy S22” telefon seriýasynda bolmagyna garaşylýar. Bu üýtgeşik kamera tehnologiýasynyň durmuşymyza girmegi netijesinde mobil suratkeşlikde täze döwrüň başlamagyna garaşýarys.
Maksat TAGANOW,
Magtymguly adyndaky Türkmen döwlet uniwersitetiniň
žurnalistika hünäriniň talyby.