Russiýanyň Türkmenistandaky ilçihanasynyň “Telegram” jemgyýetçilik torunda halkara ýörite uçar gatnawy barada habar ýerleşdirilipdir.
Şol habardan görnüşi ýaly, türkmen tarapyndan alnan maglumata laýyklykda, ozal 11-nji maýda meýilleşdirilen gatnawyň tehniki sebäplerden amala aşyrylmaýandygy bellenilýär.
11-nji maýdaky uçar gatnawy üçin sanawda orun alan we habarly edilen ýolagçylar awtomatiki ýagdaýda 2022-nji ýylyň 13-nji maýyna geçiriler.
13-nji maýdaky gatnaw üçin sanawa goşulan ýolagçylaryň hem bu gatnawdan peýdalanjakdygy mälim edilýär. 11-nji maýdaky gatnawyň ýatyrylmagy ýolagçylara öz täsirini ýetirmeýär.
Bu gatnaw üçin awiapetekleriň satuwy “Türkmenistan” awiakompaniýasynyň Aşgabat şäherindäki kassalarynda satylýar. Biletleriň satuwynyň senesi barada goşmaça maglumat berler.