Şu gün Russiýanyň futbol boýunça milli çempionaty badalga alýar. Täze 2021/22-nji möwsüm «Rostow» bilen «Dinamo» toparlarynyň arasyndaky duşuşyk bilen başlaýar.
Şenbe güni bolsa futbol janköýerlerine ýene-de birnäçe gyzykly duşuşyklar garaşýar. Geçen ýylyň çempiony “Zenit” topary myhmançylykda “Himki” topary, “Spartak” bilen “Rubin” topary duşuşýan bolsa, “Lokomotiw” öz meýdançasynda “Arsenal” toparyny kabul eder.
Dynç güni bolsa “Krasnodar” topary “Ural” topary bilen myhmançylykda duşuşýan bolsa, SSKA topary Moskwa şäherinde “Ufa” toparyny kabul eder.
Milli çempionatyň birinji tapgyry duşenbe güni geçiriljek “Nižniý Nowgorod” bilen “Soçi” toparlarynyň arasyndaky duşuşyk bilen tamamlanar.
Çempionatyň ilkinji duşuşygy tomaşaçysyz geçiriler. Bu barada Rostow sebitiniň Arassaçylyk we sanitariýa edarasy koronawirus ýokanjy bilen baglanyşykly degişli çözgüt kabul etdi. Çempionatyň beýleki duşuşyklaryna hem tomaşaçy goýberip-goýbermezlik ýagdaýyna her sebitiň öz Arassaçylyk we sanitariýa edaralary karar berer.
Russiýanyň futbol boýunça milli çempionatyna 16 topar gatnaşýar we 30-njy tapgyrdan soňra çempion belli bolýar.