“Türkmenhowaýollary” agentliginiň “Boeing” kysymly uçary bilen 272 türkmen raýaty Türkmenabadyň halkara howa menziline getirildi. Bu raýatlarymyzyň esasy bölegi Russiýanyň ýokary okuw mekdeplerini tamamlanlar ýa-da ýokary okuw mekdeplerini gaýyna okaýan talyplardyr. Şeýle hem koronawirus epidemiýasy sebäpli girizilen çäklendirmeler sebäpli gelip bilmeýän raýatlar hem bar. Häzirki wagtda olary ýurdumyza getirmek işleri tapgyrlaýyn esasda alnyp barylýar. Bu barada “Orient.tm” internet saýtynda habar berilýär.
Mälim bolşy ýaly, 6-njy sentýabrda Belarusdaky türkmen talyplary getirildi. Bu gatnaw Belarusdan amala aşyrylan 2-nji gatnaw boldy. Mundan ozal, 24-nji awgustda Belarusdan Türkmenabada türkmen raýatlary getirilipdi. Şeýle hem 22-nji awgustda Hindistandaky raýatlarymyz gelipdiler.
Bu gatnawlar “Boeing” uçarlary bilen amala aşyrylyp, Türkmenistanyň Daşary işler ministrliginiň we onuň daşary ýurtlardaky wekilhanalarynyň, migrasiýa we beýleki gulluklaryň ýakyndan ýardam bermegine ýerine ýetirilýär.
Uçara münmezden ozal, 2 gün mundan ozal koronawirus ýokanjynyň ýokdugy baradaky saglyk kepilnamasy bolmaly. Bolman halatynda, ýolagçylar howa menzilinde täzeden synagdan geçiriler.
Şeýle hem Türkmenabada gelen raýatlarymyz 14 günlük hökmany karantin çärelerini geçerler.
Ylym we bilim baradaky habarlar, şeýle hem ýurdumyzda we daşary ýurtlarda bilim almak bilen baglanyşykly täzelikleri we maglumatlary bu sahypamyzdan tapyp bilersiňiz!
