Angliýanyň “Mançester Ýunaýted” toparynyň portugaliýaly ýyldyzy Kristiano Ronaldo ýene-de bir rekordyň eýesi boldy. Ol resmi duşuşyklarda geçiren gollarynyň sany bilen dünýä rekordyny eýeledi.
“Mançester Ýunaýted” toparynyň hüjümçisi Ronaldo Angliýanyň milli çempionatynyň 29-njy tapgyrynda “Tottenhem” toparynyň derwezesine 3 gol geçirip, resmi duşuşyklarda geçiren gollarynyň sanyny 807-ä ýetirdi.
Ol bu gollaryny hem topar hem-de Portugaliýanyň milli ýygyndysynyň düzüminde oýnan döwründe geçirdi.
Bu görkeziji futbol taryhynyň iň gowy görkezijisidir. Mundan ozalky rekord awstriýaly Ýozef Bisan tarapyndan goýlupdy. “Rec.Sport.Soccer Statistics Foundation” (RSSSF) hasabatyna görä, Bisanyň geçiren gollarynyň sany 805-ä deňdir.
Ronaldo futbol durmuşynda “Sporting”, “Real”, “Ýuwentus” ýaly toparlarda oýnady.