2024-nji ýylda Fransiýanyň “France Football” žurnaly tarapyndan gowşurylýan “Altyn pökgi” baýragyna ispaniýaly futbolçy Rodri mynasyp boldy. Ol 64 ýyldan soňra bu baýraga mynasyp bolan ilkinji ispan futboly boldy.
Şeýle hem Rodri dünýäniň iň güýçli futbolçylaryna gowşurylýan bu abraýly baýraga mynasyp bolan hüjümçi bolmadyk futbolçylaryň biridir.
2023-2024-nji möwsümiň iň güýçli futbolçysy yglan edilen Rodri netijeli möwsüm geçirdi. Ol Ispaniýanyň milli ýygyndysy bilen Ýewropanyň çempiony boldy. Çykyş edýän “Mançester Siti” topary bilen çempion boldy.
Şu wagta çenli hüjümçi bolmadyk futbolçylardan 1963-nji ýylda derwezei Lew Ýaşin, goragçylar 1972-nji we 1976-nji ýyllarda Frans Bekkenbaur we 1996-njy ýylda Matias Zammer we 2006-njy ýylda Fabio Kannawaro bu baýraga mynasyp bolupdy.
Şeýlelikde, hüjümçi bolmadyk Rodri 64 ýyldan soňra bu baýraga mynasyp bolan ilkinji ispan futbolçydyr. Ispaniýanyň futbolçylaryndan 1957-nji we 1959-njy ýyllarda Alfredo di Stefano we 1960-njy ýylda Suares Miramontes “Altyn pökgi” baýragyny alypdy.
Şeýle hem Rodriniň bu üstünligi 16 ýyldan soňra Angliýanyň milli çempionatynda çykyş edýän futbolçynyň gazanan üstünligi boldy.
Mundan başga-da, Rodri “Mançester Siti” toparyna ilkinji “Altyn pökgi” baýragyny gazandyrdy.