JEMGYÝET

Rejep Taýyp Ärdogan: Türkmenistanyň Bitaraplyk derejesini goldarys

Türkiýe Respublikasynyň Prezidenti Rejep Taýyp Ärdogan hormatly Prezidentimize Halkara Bitaraplyk güni mynasybetli gutlag hatyny iberdi. Bu gutlag haty “Watan” habarlar gepleşiginde okaldy.

Türkiýe Respublikasynyň Prezidentiniň gutlag hatynda şeýle diýilýär:

– Siziň Alyhezretiňizi we doganlyk türkmen halkyny Türkiýe Respublikasynyň halkynyň hem-de hut öz adymdan Türkmenistanyň Bitaraplyk güni mynasybetli tüýs ýürekden gutlaýaryn.

2021-nji ýylyň 27-28-nji noýabrynda Türkmenistana bolan döwlet saparymyň dowamynda hem-de Ykdysady Hyzmatdaşlyk Guramasynyň sammitinde maňa hem-de Türkiýäniň wekiliýetine görkezilen myhmansöýerlik üçin ýene-de bir gezek hoşallyk bildirýärin.

Birleşen Milletler Guramasynyň Baş Assambleýasynda 1995-nji ýylyň 12-nji dekabrynda Türkiýe tarapyndan hem goldanylan hemişelik Bitaraplyk hukuk derejesine eýe bolandan soňra Türkmenistan beýleki döwletler bilen gatnaşyklary has-da pugtalandyrdy we sebitde durnuklylygyň hem-de abadançylygyň üpjün edilmegine uly goşant goşdy.

Türkiýe geljekde-de umumy taryhy, medeni gymmatlyklary bolan Türkmenistany hem-de onuň 26 ýylyň dowamynda üstünlikli amala aşyrýan Bitaraplyk derejesini goldar.

Gadyrly doganym, pursatdan peýdalanyp, Siziň Alyhezretiňize berk jan saglyk hem-de bagt, Türkmenistanyň doganlyk halkyna bolsa, rowaçlyk we ösüş arzuw edýarin.

 

4 Dilde gürleýän Sözlük: Makul Sözlük Rus dilinde

 

Orazgül Gurdowa: “Teatr – bu meniň durmuşym”

Ýene-de okaň

Amangözel Şagulyýewanyň 85 ýaşy bellendi

Özbek Liderinden Milli Liderimize minnetdarlyk haty

Türkmenistanyň Prezidenti Özbegistanda saparda bolar

Ata Watan Eserleri

Azerbaýjanyň Prezidenti Awazadaky forumyň üstünlikli geçirilmegi bilen gutlady

“Makul habar” elektron gazeti: BMG-niň Awaza forumyna bagyşlanan ýörite sany

“Ata Watan Media” topary BMG-niň Awaza forumyny gyzgyny bilen okyjylara ýetirdi