Fransuz ýyldyz Kilian Mbappeni düzümine goşup bilmedik Ispaniýanyň “Real Madrid” topary başga bir fransuz futbolçyny satyn aldy.
Fransiýanyň “Monako” toparynyň ýarym goragçysy Orelýen Tçuameni “Real Madrid” topary bilen 6 ýyllyk şertnama baglaşdy.
22 ýaşyndaky bu futbolçy “Bordo” toparynda futbol karýerasyna başlady. 2020-nji ýylda “Monako” toparyna geçdi. Bu toparda 95 duşuşykda 8 gol geçirdi. 2020-21-nji möwsümde Fransiýanyň çempionatynda iň ýaş futbolçy hasap edildi.
2021-nji ýylda Fransiýanyň milli ýygyndysynyň düzüminde çykyş edip başlady. Milli ýygyndyda 9 duşuşykda oýnady.
Bu futbolçy 14-nji iýunda “Real Madrid” toparynyň düzümine goşulmak üçin Madrid şäherine geler. Lukmançylyk barlagyndan soňra, gol çekmek dabarasy geçirilip, habarçylar bilen tanyşdyrylar.
ABŠýolagçylardan koronawirus test netijenamasyny talap etmeýär