2026-njy ýylyň 20-nji iyulynda Türkmenistanyň daşary işler ministri Raşid Meredow bilen Russiýa Federasiýasynyň daşary işler ministri Sergeý Lawrowyň arasynda telefon arkaly söhbetdeşligi boldy diýip, Türkmenistanyň DIM-i habar berýär.
Gepleşigiň dowamynda türkmen-rus gatnaşyklarynyň gün tertibinde duran birnäçe meseleler maslahatlaşyldy.
«Taraplar Türkmenistan bilen Russiýanyň ynsanperwer ulgamyndaky hyzmatdaşlygyny mundan beýläk-de berkitmek meselelerine aýratyn üns berdiler. Şunda birnäçe bilelikdäki bilim we medeni taslamalary öňe sürmek boýunça işleri işjeňleşdirmegiň wajyplygy bellenildi» diýlip, DIM-niň metbugat üçin habarynda aýdylýar.
Daşary syýasat edaralarynyň ýolbaşçylary şeýle hem öňde boljak duşuşyklar, şol sanda 2026-njy ýylyň oktýabr aýynda Türkmenistanda geçirilmegi göz öňünde tutulýan iň ýokary we ýokary derejedäki köptaraplaýyn çäreler barada hem durlup geçildi.
Telefon söhbetdeşligi rus tarapynyň başlangyjy bilen geçirildi.