Dünýäniň köp sanly sport neşirleriniň sahypalarynda portugaliýanyň ýyldyzy Kristiano Ronaldonyň haýsy toparda çykyş etjekdigi baradaky habarlary görmek bolýar.
Häzirki wagtda Angliýanyň “Mançester Ýunaýted” toparynyň düzüminde bolan Kristiano Ronaldo bu topardan gitmegi ýüregine düwýär. 37 ýaşly futbolçynyň menejeri Mendeş Fransiýanyň “PSŽ” topary bilen duşuşyp, Ronaldony teklip edendigi bellenilýär.
Fransuz metbugaty “PSŽ” toparynyň Ronaldony satyn almakdan ýüz öwrendigi bellenilýär.
Mälim bolşy ýaly, “PSŽ” toparynyň düzümi ýyldyz futbolçylardan doly. Bu ýerde Lionel Messi, Neýmar, Mbappe ýaly ýyldyzlar bar.
Fransuz topary şeýle ýyldyzlardan soňra ýene-de bir ýyldyzy satyn alan halatynda onda bu futbolçylar üçin göz öňünde tutýan zähmet haklarynyň möçberi hem ep-esli artjakdygyny nazarda tutup, Ronaldodan ýüz öwürdi.
5 gezek “Altyn pökgi” baýragynyň eýesi bolan Ronaldo geçen möwsümde 12 ýyldan soňra “Mançester Ýunaýted” toparyna dolanyp gleipdi. Onuň “Mançester Ýunaýted” toparynyň Çempionlar ligasynda çykyş etmeýändigi üçin topardan gitmegi ýüregine düwendigi bellenilýär.
“Mançester Ýunaýted” toparynyň täze bellenen tälimçisi Erik ten Hag bolsa, Ronaldonyň toparda galjakdygyny, onuň satylmajakdygyny belledi.
https://www.atavatan-turkmenistan.com/russiyada-ilkinji-maymyn-mama-keseli-yuze-cykdy/