Paýtagtymyz Aşgabatda dowam edýän Ykdysady Hyzmatdaşlyk Guramasynyň 15-nji sammitiniň çäklerinde bu guramanyň 14-nji sammitiniň ýolbaşçysy hökmünde Türkiýe Respublikasynyň Prezidenti Rejep Taýyp Ärdogana söz berildi.
Bu sammite başlyklyk edýän hormatly Prezidentimiz sammitiň çäklerinde energetika, söwda-ykdysady, ulag-üstaşyr we beýleki ugurlardaky hyzmatdaşlyk gatnaşyklarynyň ara alnyp maslahatlaşyljakdygyny belledi.
Soňra milli Liderimiz Türkiýe Respublikasynyň Prezidenti Rejep Taýyp Ärdogana söz berdi. Prezident Ärdogan öz çykyşynda bu sammiti ýokary derejedäki sammiti gurnandygy üçin Türkmenistanyň Prezidentine minnetdarlyk bildirdi.
Şeýle hem Merkezi Aziýa döwletleriniň Prezidentlerini Garaşsyzlygyň 30 ýyllygy bilen gutlan Ärdogan YHG-niň çäklerinde guramaga gatnaşyjy ýurtlaryň arasyndaky söwda dolanyşygynyň 100 milliard dollara ýetirilmeginiň möhüm bolup durýandygyny belledi.
Guramanyň çäklerinde söwda-ykdysady, energetika, ulag-üstaşyr ulgamlaryndaky hyzmatdaşlygyň ýygjamlaşdyrylmagynyň möhümdigini bellän Ärdogan umuman, ulag-üstaşyr geçelgeleriniň güýçlendirmeginiň ähmiýetiniň uludygyny belledi.
OWGANYSTANA KÖMEK BERMEK ZERURDYR
Prezident Ärdogan öz çykyşynda Owganystan meselesine hem durup geçdi. Ol bu babatda uly kynçylyklayr başdan geçirýän Owganystana ynsanperwer kömegini bermegiň zerurdygyny belläp, bu ýurtda parahatçylygyň üpjün edilmegi üçin tagallalaryň edilmelidigini belledi.
Mundan başga-da, Ärdogan Owganystandan daşary ýurtlara bosgunlaryň gitmeginiň öňüni almak maksady bilen degişli çäreleriň görülmelidigini belledi.
TÜRK SANJYMY BARADA…
Prezident Ärdogan Türkiýe Respublikasy tarapyndan işlenip düzülen koronawirus ýokanjyna garşy sanjymda soňky tapgyra gelnendigini belledi. Umuman, koronawirus ýokanjy döwründe dünýäniň ençeme ýurduna ynsanperwer kömekleriniň ugradandyklaryny bellän Ärdogan bu barada hyzmatdaşlygyň ýygjamlaşdyrymagynyň möhümdigini belledi.