Täjigistanyň we Hytaýyň paýtagtlarynyň arasynda hytaý awiakompaniýasy tarapyndan amala aşyrylýan ilkinji göni ýolagçy gatnawlary açyldy. “China Southern Airlines Co., Ltd.” kompaniýasynyň satuw bölüminiň wise-prezidenti, ykdysady geňeşiniň ýolbaşçysy Li Dansong “Howar” habar agentliginiň habarçysyna bu ýolagçy gatnawynyň ähmiýeti barada gürrüň berdi.
“Pekin – Duşenbe” ugry boýunça gatnawyň açylmagy “China Southern Airlines” kompaniýasy üçin halkara ugurlar ulgamyny giňeltmekde we Hytaý bilen Täjigistanyň arasynda dostlukly gatnaşyklary ösdürmekde strategiki ädim bolup durýar.
Iki ýurduň arasyndaky hyzmatdaşlygyň çuňlaşmagy bilen Hytaýa we Täjigistana syýahat edýän müşderileriň sany barha artýar. Täze ugur bolsa amatly howa köprüsini döreder. Bu uçuş diňe bir ýol wagtyny gysgaltmak bilen çäklenmän, eýsem, syýahat etmegiň netijeliligini ýokarlandyrar we çykdajylary peselder.
24-nji iýundan başlap uçuşlar hepdelik iki gezek — sişenbe we şenbe günleri amala aşyrylar. Uçuşyň dowamlylygy takmynan 7 sagat bolar.