Pandemiýa döwründe dünýäniň baý adamlarynyň birnäçesiniň özüniň baýlygyny artdyrýandygy baradaky habarlar köp görmek bolýar. Şweýsariýanyň dünýä belli bankynyň soňky maglumatlaryna görä, emlägi 1 milliard dollardan geçýän adamlaryň sany 2,158-den 2,189-a çenli artdy diýip, habar berilýär.
Epidemiýanyň başlamagy bilen milliarderleriň ýagdaýy 25% göterim ýokarlandy. Şunuň bilen sanawda 31 sany täze milliarderlar köpeldi. “The Guardian” gazetindäki habaryna görä, hünärmen Ýozef Stadler: “Covid-19 döwründe milliarderler gowy işlediler” diýip, belleýär.
Dünýäniň iň baý adamy “Amazon” kompaniýasynyň ýolbaşçysy Jeff Bezosdyr. Onuň emlägi 189 milliard dollardan ybaratdyr. “Amazon” kompaniýasynyň şu ýylky paýnamasy 74 milliard dollara barabar body.
Ýene bir dünýä belli kompaniýalaryň biri bolan Ilon Maskyň “Tesla” kompaniýasy, bu döwürde özüniň emälgini 76 milliard dollardan, 103 milliard dollara çenli ýokarlandyrdy. Şu ýylda Ilon Mask has köp gazandy diýip, belläp geçip bolar. Şeýle hem milliarderlar özüniň emlägini pandemiýa garşy göreşmek boýunça hem sarp edýärler. Bu ýokanja garşy göreşmek üçin ABŞ-nyň 98 milliarderleri umumylykda 4,5 milliard dollaryny sarp etdiler, Hytaý döwletiniň 12 milliarderleri 679 million dollaryny, Awstraliýa döwletinde ýaşaýan iki sany milliarder 324 million dollaryny, Beýik Britaniýanyň 9 milliarderleri bolsa 298 million dollaryny harçlady.
“Bloomberg” kompaniýasynyň hasabatyna görä, dünýäniň 10 sany baý adamlary:
- 1. Jeff Bezos – 183 milliard dollar.
- 2. Bill Geýts – 123 milliard dollar.
- 3. Ilon Mask – 101 milliard dollar.
- 4. Mark Zukerberg – 98.1 milliard dollar.
- 5. Bernard Arnault – 86 milliard dollar.
- 6. Mukeş Ambani – 84.8 milliard dollar.
- 7. Warren Buffet – 79.5 milliard dollar.
- 8. Stiw Bollmer – 74.6 milliard dollar.
- 9. Larri Ellison – 70 milliard dollar.
- 10. Lerri Peýj – 69.9 milliard dollar.
Ýurdumyzyň sungat ussatlary bilen taýýarlanan bir-birinden gyzykly söhbetdeşlikleri bu sahypamyzdan okap bilersiňiz!
