Türkmenistanyň Prezidenti Gurbanguly Berdimuhamedow bilen Pakistan Yslam Respublikasynyň Prezidenti Arif Alwiniň arasynda telefon arkaly söhbetdeşlik geçirildi. Telefon arkaly söhbetdeşliginiň barşynda soňky ýyllarda dostlukly, ynamdar türkmen-pakistan gepleşikleriniň täze mazmuna eýe bolandygy bellenildi.
Söhbetdeşlikde energetika pudagynda, hususan-da, Türkmenistan-Owganystan-Pakistan-Hindistan (TOPH) halkara gaz geçirijisiniň taslamasynyň durmuşa geçirilmeginde strategiki esas bolup durýan söwda we ykdysady ugurda özara gatnaşyklaryň okgunly ösüşine üns berildi.
TOPH taslamasynyň türkmen böleginde gurluşyk-gurnama işleriniň tamamlaýjy tapgyrda
Häzirki wagtda bu taslamanyň türkmen böleginde gurluşyk-gurnama işleriniň tamamlaýjy tapgyrda alnyp barylýandygy bellenildi. Golaýda Türkmenistan bilen Owganystanyň arasynda taslamanyň owgan böleginde ýer böleklerini saýlap almak babatda özara düşünişmek baradaky Ähtnama gol çekilendigi we munuň goňşy ýurduň çäginde işleriň has-da işjeňleşdirilmegine goşant goşjakdygy mälim edildi.
Şuna baglylykda, Türkmenistanyň Prezidenti pakistanly kärdeşiniň goldaw bermeginde ýakyn wagtda bu gaz geçirijisiniň Pakistanyň çägindäki gurluşygyna hem başlanjakdygyna ynam bildirdi.
Bellenilişi ýaly, sebitiň ykdysady ösüşine täze itergi berýän bu möhüm taslamanyň üstünlikli durmuşa geçirilmegi, döwletlerimizi goňşuçylyk we hyzmatdaşlyk baglanyşyklary bilen hasam baglanyşdyrar we parahatçylygyň we durnuklylygyň möhüm faktoryna öwrüler.
Söwda we ykdysady gatnaşyklaryň umumy ýagdaýy we söwdanyň işjeňligi barada düýpli bilelikdäki seljermeleri geçirmegiň maksadalaýykdygy bellendi. Bu ýerde hökümetara türkmen-pakistan topary özüni has işjeň görkezmelidir diýip, Türkmenistanyň Prezidenti belledi we bu toparyň nobatdaky ýygnagyny ýakyn wagtda onlaýn formatda gurmagy teklip edýändigini aýtdy.
Söhbetdeşligiň barşyndan iki ýurduň arasyndaky ynsanperwer ugurlardaky hyzmatdaşlyk gatnaşyklar barada hem pikir alşyldy.
TOPH GAZ GEÇIRIJISI BARADA SAÝTYMYZA ÝERLEŞDIRILEN HABARLARYŇ KÄBIRLERI
TOPH taslamasy işjeňleşdirilýär
TOPH gaz geçirijisi: Telefon söhbetdeşlikde ähmiýeti nygtaldy
TOPH gaz geçirijisiniň ähmiýeti
Saud ösüş gaznasyndan TOPH gaz geçirijisi maliýe kömegi
Hindistandan TOPH gaz geçirijisiniň gurluşygyny çaltlandyrmaga uly gyzyklanma
Realization of Turkmenistan-Afghanistan-Pakistan-India (TAPI) pipeline
EBRD:TAPI project and Trans-Caspian gas pipeline
TAPİ Projesine 700 Milyon USD Yeni Fon
Eşref Gani: TAPİ projesinin güvenliğinde hiçbir sorun yok
TAPİ doğalgaz boru hattının önemi
TAPI Gaz Boru Hattı: Fikirden Gerçeğe Doğru
Bulary hem okaň!
Ses we ýylylyk saklaýjy serişdeler öndüriler
Zähmet haklary ýokarlandyrmak: 2021-nji ýylyň býujeti
2020 ýyly üçin ykdysady çaklamalary
Birža paýdarlar jemgyýetine öwrüler: Paýnamalar hususy tarapa satylar
Gündelik durmuşa degişli habarlary biz Durmuş sahypamyza ýerleşdirýäris.
Saýtymyzyň döredijilik topary tarapyndan geçirilip gelinýän bäsleşikler boýunça degişli makalalary we habarlary “Ata Watan Eserleri” sahypamyzdan okap bilersiňiz. Bäsleşiklere gatnaşan eserleriň ählisi saýtymyzyň bu sahypasynda ýerleşdirildi.
