Özbegistanyň Prezidenti Şawkat Mirziýoýew 19-22-nji maý aralygynda Wengriýada we Sloweniýada resmi sapada bolar. Ol Budapeşt şäherinde Wengriýanyň Premýer-ministri Wiktor Orban bilen duşuşar.
Şeýle hem wenger kompaniýalary bilen duşuşyklar göz öňünde tutulýar. Mundan başga-da, özbek Lideri 21-nji maýda Budapeşt şäherinde geçiriljek Türki Döwletleriniň Guramasynyň resmi däl duşuşygyna gatnaşar.
22-nji maýda özbek Lideri Sloweniýanyň Prezidenti Nataşa Pirs Musar bilen duşuşar. Bu duşuşykda hem iki ýurduň arasynda farmasewtika, senagat, azyk we dokma senagatyndaky hyzmatdaşlyk gatnaşyklary ara alnyp maslahatlaşylar.