Özbegistanly hüjümçi Eldor Şomuradow Russiýanyň milli çempionatyndan oýnap, soňra Italiýanyň ilkibaşda “Jenoa” toparyna, soňra bolsa “Roma” toparyna geçdi. Ol täze toparynyň düzüminde ilkinji resmi duşuşygynda tapawutlanmagy başardy.
UEFA-nyö Liga Konferensiýa ýaryşynda “Roma” topary Türkiýäniň “Trabzonspor” topary bilen duşuşdy. Bu duşuşykda “Roma” topary 2:1 hasabynda ýeňiş gazanyp, toparyň ýeňiş goluny 81-nji minutda Eldor Şomuradow öz adyna ýazdyrdy.
Şomuradow “Roma” toparynyň düzüminde ýoldaşlyk duşuşyklarynda hem oýnap, “Betis” hem-de Marokkonyň “Raja Kasablanka” toparynyň derwezesinden hem gol geçiripdi.
– Men bagtly, sebäbi meniň geçiren pökgim topar üçin gaty möhümdi. Tälimçimiz Žoze Mourinýo bilen aragatnaşykda käbir kynçylyklarym bar, sebäbi italýan dilini gaty gowy bilemok, ýöne oýun wagtynda biri-birimize düşünýäris. [Temmi] Abraham bilen bilelikde oýnap bilerin öýdýärin “-diýip, Şomurodow “Sky Sport Italia” neşirine duşuşykdan soňra beren beýanatynda belläp geçdi.
Ukraina, Belarus, Gazagystan we Gruziýadan sanawa haýsy ýokary okuw mekdepleri girýär?