Özbegistanyň Prezidentiniň kararyna laýyklykda, Syýahatçylyk we sport ministrligi Bedenterbiýe we sport ministrligi we Syýahatçylygy ösdürmek boýunça döwlet komiteti esasynda döredildi diýip, ýurduň döwlet habar gullugy “UzA” habar berdi.
Premýer-ministriň orunbasary – Syýahatçylygy ösdürmek boýunça döwlet komitetiniň ýolbaşçysy Aziz Abduhakimowyň wezipesine Premýer-ministriň orunbasary – syýahatçylyk we sport ministri hökmünde üýtgedildi.
Şeýle hem ýurtda kino önümçiliginde hem birnäçe üýtgeşikler girizildi. “Özbekkino” milli agentliginiň ady Özbegistanyň Kinemotagrafiýa agentligine öwrüldi.
Täze agentligiň işiniň has-da kämilleşdirilmegi babatda döwlet tarapyndan maliýe serişdeleri gönükdiriler. 12 milliard som möçberindäki maliýe serişdeleriniň hasabyna ýurtda milli seriallaryň döredilmegi göz öňünde tutulýar.
Şeýle hem ýurtda telekeçilere kinoteatrly söwda-dynç alyş merkezlerini gurmak üçin mugt ýer bölekleri bölünip berler.