Özbegistanda Hytaýyň “Oshan” ulagynyň ýygnamak işlerini ýola goýmak meýilleşdirilýär. Bu barada ýurduň “Uza” habarlar gullugy habar berýär.
Ýakyn wagtda ýurduň “Nawoi” erkin ykdysady zolagynda özbek-eýran tarapynyň gatnaşmagynda “Navoi Motors” bilelikdäki kärhanasy dörediler. 12 million dollar möçberindäki taslama ýurduň awtoulag senagatynda täze öwrülişigi amala aşyrar. Bu ýerde içerki bazar üçin “Oshan” hytaý ulagy ýygnalar.
– Ilkibaşda içerki bazar üçin dürli görnüşdäki ulaglary taýýarlarys. Kärhanada bir ýylda 30 müň awtoulagy ýygnamak göz öňünde tutulýar. Bu ýerde 200-den gowrak täze iş orny dörediler” – diýip, kärhananyň baş tehnology Afşin Şakeri gürrüň berdi.
“Oshan” – Hytaýyň “Changan” kompaniýasynyň awtoulag brendidir. “Changan” Hytaýyň awtoulag kompaniýasydyr. Hytaýyň iň uly ýolagçy ulag öndürijileriniň biridir.