Geljek ýyl Özbegistan 43 milliard dollarlyk maýa goýumlaryny özleşdirmegi meýilleşdirýär.
Özbegistanyň Prezidenti Şawkat Mirziýoýewiň gatnaşmagynda 2024-nji ýylda maýa goýum pudagyndaky işleriň netijeleri we 2025-nji ýyldaky wezipelere bagyşlanan maslahatda mälim edildi.
Gönükdiriljek maýa goýumlar 300-den gowrak iri taslamany durmuşa geçirmäge we import bilen bäsleşip biljek 662 täze görnüşli önüm öndürmäge mümkinçilik berjekdigi aýdyldy.
Özbegistanyň maksady 2030-njy ýyla çenli ýyllyk eksporty iki esse artdyrmak we 45 milliard dollara ýetirmekden ybarat.
2024-nji ýylda ykdysadyýete maýa goýumlarynyň mukdary 1,3 esse artyp, 36 milliard dollardan geçdi. Munuň netijesinde ýylyň başyndan bäri 560 uly we orta göwrümli taslama işe girizildi.
Umuman alanyňda, 2017-nji ýyldan bäri ähli çeşmelerden Özbegistanyň ykdysadyýetine 188 milliard dollar maýa goýum çekildi, şolardan 87 milliard dollary daşary ýurt maýa goýumlarydyr. Bu, jemi içerki önümdäki maýa goýumlarynyň paýyny 30% -den gowrak ýokarlandyrmaga mümkinçilik berdi, bu bolsa durnukly ykdysady ösüş üçin esas boldy.