Bahreýnde III Aziýa ýetginjekler oýunlarynyň ýapylyş dabarasy boldy. Şonuň dowamynda Özbegistanyň paýtagty Daşkentiň 2029-njy ýylda IV Aziýa Ýetginjekler oýunlaryny kabul etjekdigi resmi taýdan yglan edildi.
Oýunlary Daşkentde geçirmek baradaky karary Aziýa Olimpiýa Geňeşiniň (AOG) Ýerine ýetiriji komiteti Bahreýnde bolan maslahatynda kabul etdi. Bu barada ýaryşlaryň ýapylyş dabarasynda 31-nji oktýabrda resmi taýdan habar berildi.
Dabara sport ministriniň orunbasary Şahrullo Mahmudow, Daşkent şäher häkiminiň orunbasary Durdona Rahimowa, şeýle hem Özbegistanyň Milli Olimpiýa komitetiniň ýolbaşçylary gatnaşdylar.
Oýunlaryň geljekki eýesi hökmünde Aziýa Olimpiýa Geňeşiniň wise-prezidenti, Özbegistanyň Milli Olimpiýa komitetiniň birinji başlygynyň orunbasary Otabek Umarow çykyş etdi.
Şeýlelikde, dört ýyldan Daşkent yklymyň iň güýçli ýaş sportçularynyň ýygnan ýeri bolup, Aziýanyň sport durmuşynyň merkezine öwrüler.
III Aziýa Ýetginjekler oýunlarynda özbek türgenleri ýokary taýýarlyk, ussatlyk we ýeňşe bolan ymtylyş derejesini görkezdiler. Olaryň hasabynda 37 altyn, 16 kümüş we 28 bürünç medal bar, bu bolsa Özbegistanyň ýygyndysyna diňe Hytaýyň toparyndan yza galyp, umumy topar hasabynda ikinji orny eýelemäge mümkinçilik berdi.