Dünýä belli ispaniýaly tennisçi Rafael Nadal Barselona şäherinde geçirilen tennis boýunça “ATP 500” ýaryşynyň ýeňijisi boldy. Final duşuşygynda Nadal gresiýaly tennisçi Stefanos Sisipasa bilen duşuşdy. Birinji döwi 6:4 hasaby bilen Nadal ýeňdi. Ikinji döwde gresiýaly tenniçsi Sisipas setler boýunça hasaby deňlemegi başardy. Jemleýji döwde bolsa Rafael 7:5 hasaby bilen ýeňmek bilen çempionatyň çempion diýen adyna mynasyp boldy. Bu final duşuşyk 3 sagat 39 minut dowam etdi.
Şeýle hem Nadal “ATP 500” ýaryşyň kubogyny eýýäm 12-nji gezek eýeleýär. Bu ýeňiş Nadal üçin 2021-nji ýylda birinji we karýerasyndaky bolsa 87-nji ýeňşi boldy. Mundan başga-da ispaniýaly Rafael Nadal Tennis hünärmenleri birleşiginiň (ATP) täzelenen sanawynda ikinji ýeri eýeledi. Bu barada guramanyň web sahypasynda habar berildi. Mundan öň dünýäniň ikinji raketkasy adyna russiýaly tennisçi Daniil Medwedew bolupdy.