Russiýa öz kosmos stansiýasyny gurmak babatda degişli işleriň ilkinji tapgyrlaryny amala aşyrmaga girişdi. Russiýanyň Federal kosmos gullugynyň başlygy Dmitriý Rogozin bu habary “Twitter” jemgyýetçilik torundaky hasabyndan suratlar bilen mälim etdi.
Rus ygtyýarly täze kosmos stansiýasynyň gurulmaga başlanandygyny belläp, bu stansiýa üçin ilkinji modulyň üstünde işlenilip başlanandygyny habar berdi.
2025-nji ýylda bu stansiýany kosmosa çykarmagy maksat edinýändiklerini bellän Rogozin bu ugurdaky işleriň ýokary depginde alnyp barylýandygyny belledi.
Şeýle hem Russiýanyň Premýer-ministriniň orunbasary Ýuriý Borisow hem Russiýanyň täze stansiýa taslamasyny amala aşyrmaga öz mümkinçiliginiň bardygyny, emma taslama halkara hyzmatdaşlarynyň hem gatnaşyp biljekdigini aýtdy.