Özbegistanda Oksford derejesinde bilimi berjek Prezident uniwersitetini döretmek meýilleşdirilýär. Daşkent şäherindäki Prezident uniwersiteti birbada 8 müň okuwça bilim berer. Bu barada Özbegistanyň Prezidenti Şawkat Mirziýoýew paýtagtynyň Ýunusabad etrabynyň wekilleri bilen geçiren maslahatynda aýtdy diýip, “Özbegistan – 24 NTRK” teleýaýlymy habar berýär.
Özbegistanyň Prezidenti Şawkat Mirziýoýew: “Prezident uniwersitetini gurarys. Biz ilkinji gezek Özbegistana oksford bilimini girizmek isleýäris. Beýik Britaniýanyň bilim ulgamy dünýäde birinji orny eýeleýär. Biz täze prezident mekdeplerini açdyk, indi bolsa 8 müň orunlyk täze prezident uniwersitetini açarys. Ähli mugallymlar daşary ýurtdan bolar” diýip belläp geçýär.
Şawkat Mirziýoýew ilki başda Daşkent şäherinde Prezident uniwersitetini açmak barada 2019-njy ýylyň 1-nji martynda Namangan şäherinde geçiren maslahatynda nygtap geçipdi. Bu uniwersitetiň açyljak senesi barada maglumat berilmeýär.
Tehnologiýa dünýäsinde bolup geçýän wakalar we täze açyşlar bilen gyzyklanmaýan okyjy ýok bolsa gerek!
