Amerikanyň Oklahoma ştatyndaky Oklahoma-Siti şäherinde ýerleşýän “Chesapeake Energy Arena” sport zalynda NBA-nyň “play-off” finalynyň ýedinji duşuşygy geçirildi. Bu oýunda “Oklahoma Siti Thunder” bilen “Indiana” toparlary duşuşdy. Ýer eýeleri 103:91 hasaby bilen ýeňiş gazandylar we seriýada 4:3 üstün çykyp, ýeňiji boldular.
Oýnuň iň netijeli oýunçysy “Oklahomanyň” lideri Şey Gildžes-Aleksandr boldy — kanadaly oýunçy 29 utuk, 12 netijeli pas we bäş top alyp, tapawutlandy.
“Indiananyň” ýolbaşçysy we esasy oýunçysy Tairiz Halibörton ilkinji çärýekde şikes aldy we oýny dowam etdirip bilmedi.
“Oklahoma” öz taryhynda ilkinji gezek NBA çempiony boldy. “Thunder” 1979-njy ýylda çempion bolan, ýöne şol döwürde topar “Seattle SuperSonics” ady bilen Sietlde çykyş edýärdi.