Amerikanyň kosmos we awiasiýa dolandyryş gullugy (NASA) tarapyndan Mars planetasynda ýaşaýyş-durmuş şertlerini gözlemek üçin iberilen “Perseverance” kosmos gämisi planeta üstünlikli gondy. Amerikanyň kosmos we awiasiýa dolandyryş gullugy kosmos gämisiniň Marsa gonandygyny tassyklady. ABŞ-nyň Prezidenti Jo Baýden hem Ak Tamdan kosmos gämisiniň gonuş pursatlaryny sanly ulgam arkaly tomaşa etdi.
NASA-n
yň agramy 1 tonna barabar bolan kosmos gämisi takmynan 7 aýdan soň Marsyň ne 7 minutda gondy.
NASA tarapyndan göni ýaýlymda görkezilen gonuş missiýasy üstünlikli geçdi. Aralygyň daşdygy sebäpli kosmos gämisiniň Mars planetasyna ilkinji gonan pursatlary tomaşaçylara takmynan 11 minut gijräk görkezildi.
NASA-nyň Florida ştatyndaky Keýp Kanaweral stansiýasyndan 2020-nji ýylyň 30-njy iýunynda uçurylan kosmos gämisi takmynan 470 million kilometr ýol geçenden soň meýilleşdirilen senede Gyzyl planeta ýetmegi başardy.
NASA tarapyndan ozal hem “Curiosity” atly kosmos gämisi Marsa iberilipdi. Ol 2012-nji ýylda Gale kraterine gondurylypdy. NASA-nyň bu gezekki kosmos gämisi ozalkydan has tapawutly bolup, köp möçberde ylmy-barlag işlerini geçirmek üçin zerur bolan ýörite enjamlar bilen enjamlaşdyrylandygy mälim edildi.
20 kamerasy we jübüt mikrofony bolan “Perseverance” kosmos gämisi arkaly köp sanly ýörite suratlary almak göz öňünde tutulýar. Wideo düşürmäge ukyply kiçijik dikuçary hem planetada uçurmak meýilleşdirilýär.
ABŞ bu kosmos gämisi bilen 9 gezek Mars planetasyna kosmos gämisini üstünlikli iberýän ýeke-täk ýurt boldy. “InSight” we ” Curiosity ” atly iki kosmiki gämi henizem Gyzyl Planetanyň orbitasynda işleýär.
NASA-nyň uzak möhletli maksady, 2030-njy ýyllarda Marsa adamly kosmos gämisini ibermekden ybaratdyr.
Siz habarlar saýtymyza girilen dessine Size bildiriş gelmegini isleýän bolsaňyz onda “Atavatan Türkmenistan” halkara žurnalynyň www.atavatan-turkmenistan.com saýtynyň ýakynda hyzmata giren Android ulgamynda işleýän Applikasyýasyny şu ýere basyp ýa-da aşakdaky suratyň üstine basyp öz telefonyňyza ýükläp alyň! Eger Siz bu habary kompýuteriň üsti bilen okaýan bolsaňyz, el telefonyňyzyň Google Plaý dükanyndan “Atavatan Turkmenistan” ýazyp biziň Applikasyýamyzy indirip mugt alyp bilersiňiz!
