Türkiýäniň meşhur aýdymçylaryndan Murat Bozuň şu ýylyň 9-10-njy oktýabrynda Türkmenistanda konsert maksatnamasy bilen çykyş etjekdigi habar berildi. Bu barada türk aýdymçysy özüniň “Instagram” jemgyýetçilik tory arkaly habar berdi.
Mundan ozal, Türkmenistanda 2 gezek konsert maksatnamasy bilen çykyş eden Murat Boz bu gezek 9-10-njy oktýabrda Türkmenistandaky muşdaklarynyň öňünde ýene-de özüniň meşhur aýdymlary bilen çykyş eder.
Türkiýäniň soňky ýyllarda uly abraýa eýe bolan aýdymçylarynyň biri bolan Murat Boz ozal 2013-nji hem-de 2024-nji ýyllarda Türkmenistanda konsert beripdi. Onuň şol ýyllardaky konsert maksatnamalary Täze ýyl dabaralarynyň çäklerinde bolupdy.
1980-nji ýylda doglan Murat Boz hem aýdymçy hem-de aktýordyr. Onuň sungat ýoly diňe bir meşhur aýdymlary bilen däl, eýsem türk kino sungatyndaky köp sanly filmleri bilen hem uly meşhurlyga eýedir.