Russiýanyň paýtagty Moskwa şäherinde Täze ýyl baýramçylygy adaty görnüşden has az şowhunly görnüşde belleniler. Moskwa şäheriniň häkimliginiň habar bermegine görä, Täze ýyl gijesindäki baýramçylyk feýerwerki hem ýatyryldy.
– Geçen ýyl bolşy ýaly, üstümizdäki ýylda hem feýerwerk bolmaýar – diýip, bellenildi.
Şeýle hem Täze ýyl baýramçylygy gijesi Russiýanyň 20 sebitinde hem feýerwerkler ýatyryldy. Olaryň arasynda Murmansk, Rýazan, Kurgan, Wologde, Lipesk, Rostow, Stawropol, Perm, Krasnodar, Başgyrdystan, Kabardin-Balkariýa, Koma we Hanty-Mansiýsk awtonom okrugy bar.